حظك اليوم الثلاثاء 4 سبتمبر 2018 وتوقعات هامه لجميع الابراج اليوم

توقعات الابراج اليوم الثلاثاء 4 سبتمبر 2018

#الــثــلاثــاء_4_أيــلول_ســبتمبــر_2018
🍀👇
♈♉♊♋♌♍
♎♏♐♑♒♓

#القــمر بكــرا بعد الظهيره حوالي الساعه 3 ونصّ بتوقيت دمشق بينتقل لبــرج #الســرطــان المائيّ .. لنكون بعد الظهيره تحت تأثير ظــلّ قمــر الســرطان وهو بيت القمر :
يبحث الناس عن الأمان من خلال التوجه للمنزل والاكتفاء بالعائله والاهتمام بالامور الشخصيه والبحث عن الاستقرار الداخلي .. بعد تأثير قمر الجوزاء والعشوائيه والنشاط الاجتماعي ..نبحث عن الهدوء بعيدا" عن الزحمه والضوضاء متل انسحاب نفسي للداخل..والمشاعر عميقه و فتره نحتاج فيها للمسانده العاطفيه ..
👇🍀

#القــمر من بداية يوم بكرا ولغاية انتقاله للسرطان يستمرّ بالجوزاء بمنزلة #الـذراع وهي تقع بأواخر درجات الجوزاء وعباره عن نجمين وتعتبر منزله سعيده رياحيه وبتفيد بكلّ الامور بدون استثناء وبيناسبها لبس خاتم فضه والمولود وقمره بمنزلة الذراع يكون ميمون الحظ صالحاً محمود السيره ذكر أو أنثى ..
وحوالي الساعه 3 ونص بعد الظهيره غداً ينتقل القمر لـمنزلة #النــثره وهي من بداية السرطان وتعتبر منزله متوسطه بالسعاده عباره عن نجمين وبتفيد أمور الارتباط والزواج والمحبه وكمان للصلح وعودة العلاقات لكن علينا الحذر من النار والحروق ..والمولود بمنزلة النثره متوسط الحظوظ والذكر يكدّ بحياته ليحصل على رزق و الانثى تكون محبوبه من الرجال مكروهة من النساء ..
👇🍀

#الزوايــا لبكرا اهمّها #زاويه بين القمر وزحل 180° مقابله سيئه يجب اخذ الحذر بكل الامور وتزداد مع هي السمه الفلكيه صفة السفاهة لدى البعض وبيرافق هي الزاويه قهر وحزن بالاجواء وهي غير مناسبه لاستفتاح الاعمال ..

🔢 🍀✍

#الأبراج لبكرا :::.

#الحـَـمل ♈ 🍀
بعد فتره من النشاط الاجتماعي بتحسّ بحاجه للهدوء و الاكتفاء بالوجود ضمن محيطك القريب.. يمكن يخطرلك شي من الماضي وبتصير تبحث عن الأمان ..شعور ببعض التشاؤم والتردد بحسم أمورك ..بكرا حدسك عالي ..وقت مناسب لتحصي أمورك الماليّه وتكون اكثر حرص بس انتبه للوضع العائلي وخاصه علاقتك مع الوالدين ..ومزاجك متفاوت ومتقلّب بكرا بين 60% و50% #عاطفهبالفتره المقبله حاجتك تكون عاليه نحو الاستقرار والأمان وبكرا بتلجأ للشخص يلّي بيعطيك شعور الهدوء العاطفيّ أو بتتذكر الماضي وبتوقف عندو ..و افضل شريك لبكرا الحوت والأسد والدلو والجوزاء والسرطان والعقرب والثور والميزان ..

#الــثــور ♉🍀
بكرا بيحالفك حظّ جيّد وبتكون مرتاح وبتخصصّ وقت للتسليه والتواصل ..بتعطي معلومات وكلام وبتبادر الآخرين ..بتوجه اهتمام اكبر للإخوه وبوضع جوّا بيتك..بتقوم بتنقلات قريبه لجيران أو بتقصد أقرباء وعندك طاقه كلاميّه كبيره بتعطي رأيك بصراحه بس لاتكون سطحي بالتفكير .. ومزاجك لبكرا 80% #عاطفه كتير حسّاس وعم تنجرح بسرعه وتصرفاتك غريبه وبتسرف بالردود المبالغ بها ..اصبر بس كم يوم .. وافضل شريك لبكرا الجدي والثور والعقرب والحوت والعذراء والحمل والسرطان ..

#الجــوزاء ♊ 🍀
بتشغلك بكرا أمور ماليّه يمكن في مصاريف ماديه عم تنفرض عليك أو إنك عم تصرف كتير ..كمان تفكيرك مشوّش واحساس بالضياع وخاصه بالوضع العاطفي..حاول ماتعاند محيطك واللي بيحبك راح ينصحك بقسوه ومابيجاملك .. واضح عم تزيد تشبثك برأيك يمكن حتى تجرّح بالكلام .. ومزاجك لبكرا 65% #عاطفه فرصك جيّده اذا عرفت تتصرّف بس بدك تنتبه من الخداع وخاصّه انك عم تسعى بتوطيد علاقه يمكن ماتكون لصالحك ..وافضل شريك لبكرا الحمل والقوس والدلو والأسد والجوزاء والميزان والسرطان ..

#الســرطان ♋ 🍀
هالفتره افضل من الأيام السابقه وخاصه بتبلّش من بعد ظهر الغدّ بسبب وجود القمر عندك و قمر السرطان يعني موضع (بيت) بالأساس ومعو بتلاقي ارتياح داخلي وشعور بالأمان والتغلب على الخوف و بتزداد جاذبيّه وحضور ويمكن تفكر تهتمّ بمظهرك وتبلّش نظام غذائي ورياضي .. في تباشير لبداية انفراج وبكرا الاخبار سارّه وبتنسيك التعب ..اتصالات مهمّه بتكون قادر تتخذ قرار صحّ وفي حظوظ ماليّه جيّده حاول تستغلّ الفرص وبادر لإنجاز أمورك يلّي بتخصّ الشغل وحساب أموالك او تبلش توفّر اكثر .. ومزاجك لبكرا 85% #عاطفه مع زاوية التسديس بين القمر والشمس يمكن تتلقى اجمل خبر أو تطور او عرض ممكن مساء بكرا او بعد بكرا .. وافضل شريك لبكرا الحوت والجدي والسرطان والعقرب والجوزاء والثور والعذراء ..

#الأســد ♌ 🍀
يمكن عندك نيّه قويّه للتغيير لكنك ماعم ترتاح 100% وبتحسّ بمصاعب وبتميل للعصبيه والتفكير السلبي و يلّي مابيناسب طبعك.. يعني بس اصبر يومين ولاتكون متشائم ولاتجرح يلي بتمون عليهم أو تسبب عصبيّه وتوتّر بالأجواء .. و انتبه تحكي أسرارك لناس موثقه وحاول تخفف توترك .. مافي شي مستاهل .. ومزاجك بكرا 55% #عاطفه لازم تنتبه من تصرفاتك يمكن تكون مفتقد لشي ماعم تلاقيه بس مومبرر تتصرف بعدم مبالاة ..بدك تكون ايجابيّ اكتر ولاتخلي اي أمر يأثر ع جوهر العلاقه.. وافضل شريك لبكرا الحمل والقوس والدلو والجوزاء والميزان والأسد ..

#العــذراء ♍ 🍀
الدعم الفلكي بهي الفتره لصالحك وخاصه بالوضع الشخصيّ والعاطفي وحتى بالحظ العامّ وبهيك حاله لاتتردد بتحقيق اهدافك و كثّف مبادراتك وخاصّه بالشراكه والتعاون وراح تلاقي حمايه ودعم من ناس مهمّه وعندك طاقه كبيره للعمل والمعرفه والتجديد واكتر شي التحرر من أي قيود .. لكن رغبتك الكبيره بالاستقلاليه يمكن تخليك غريب الأطوار وتصرفاتك مو مسؤوله ..وبكرا مزاجك جيّد 85% #عاطفه الناحيه العاطفيه فيها اخبار سارّه وبتكون محظوظ وعايش حياتك وقريبا" بتحقق حلم طال انتظاره .. وافضل شريك لبكرا الجدي والثور والعقرب والحوت والعذراء والجوزاء والسرطان ..

#الميــزان ♎ 🍀
انت بالتحديد في ناس عم تكون ضدّك وحاسدين لنجاحك بس حظّك قويّ بإثبات نفسك دائما" ..وعندك بالايام المقبله افضل الحظوظ الماليّه بتواجد زوايا لصالحك خاصه التسديس بين المشتري ببيت مالَك وبين بلوتو ببيت الأملاك يلي بتكون بإسمك متل عقار وغيره يعني فرص لزيادة أملاك ومال وحلول لمسائل عائليه ..وبكرا مزاجك 80% #عاطفه جذاب من تأثير الزهره وعم تكون محط اعجاب كتار ماتخلي هالشي يحسسك بضياع او غرور وحاول تعطي الشريك اهتمام اكتر ..وافضل شريك لبكرا الحمل والقوس والجوزاء والميزان والدلو والأسد والجدي ..

#العقــرب ♏ 🍀
خبر جيّد بيخصّ المال والوضع الشخصيّ وهو تسديس بين المشتري وبلوتو بيقدملك افضل وضع ماديّ وراح تلاقي دعم جديد وحظّ كبير ماصادفك من بداية العام بدون مبالغه. . حظوظ جيّده بتخصّ انفراجات بحياتك الشخصيّه..اليومين القادمين بيكون الوقت مناسب للسفر والتجديد واخبار سارّه وخاصه من خلال تأثير السمه الفلكيه اللي ذكرتها بين المشتري وبلوتو .. ومزاجك بكرا 85% #عاطفه انفراجات كبيره قادمه وفرص بتصادفك بتغيّرلك حياتك بسبب اول شي الزهره راح تكون عندك بعد ايام والزوايا بين المشتري والكواكب. . العقرب اتذكر راح تكون حظوظك رائعه .. وافضل شريك لبكرا الحوت والجدي والسرطان والعقرب والثور والعذراء والحمل ..

#القــوس ♐ 🍀
طبعاً شي منيح لإلك يكون في اتصال جيد بين المشتري وبلوتو يعني وضع مادي افضل وحلول وصلح مع اعداء او اللي مخاصمهم ..من بعد ظهيرة الغد القمر بالسرطان يعني ماحتكون مرتاح وخاصّه الجانب النفسي و انتبه بس للصحه العصبيّه ولاتكون مبالغ باحساس القلق ..اصبر شويّ ولاتفكر كتير وحاول ماتتواجد لوحدك..اطلع من جوّ الأفكار الغريبه عن طباعك.. بس بتوصل لإيدك مبالغ بتخليك بمزاج افضل ..يعني خاصه مال من الآخرين مابتتعب فيه .. ومزاجك بكرا 60% #عاطفه انت عاطفيا" بتتأثر بعطارد لهيك كانت فترة التراجع صعبه عليك لاتحكم عالامور بشكل نهائي لسه الفرص كبيره وراح يتحققلك شي مهمّ جدا" هالشهر وبكرا حاول ماتبيّن كل احساسك المفرط يمكن ماتلاقي تجاوب وتندم ..وافضل شريك لبكرا الدلو والحمل والأسد والجوزاء والقوس والميزان ..

#الجــدي ♑ 🍀
عندك اخبار سارّه وأولها انفراجات عاطفيّه ودعم وحلول بتفرحك وبتخلّيك بسعاده عارمه وأمورك بشكل عام في جوّ وظروف ملائمه لتبدأ بقوه من جديد متل شراكه وعقود و اللّي بدك ..بتفيدك الدبلوماسيّه بتصرفاتك وحبّك للمشاركه ومثاليتك عاليه وراح تلاقي مساعده من اصدقاء موثوقين ..بس خفف اندفاعك ..ومزاجك بكرا منيح 80% #عاطفه هاليومين القمر ببيت العاطفه حاول ماتبالغ بالغيره أو ردّات الفعل والزوايا لصالحك بين بلوتو والمشتري والقمر يعني فيك تبادر بمرونه لخطوات الارتباط والاستقرار او تلاقي حلول لأي مشكله ..وافضل شريك لبكرا السرطان والحوت والعذراء والثور والعقرب والجدي والحمل ..

#الدلــو ♒ 🍀
يمكن مرهق من التفكير وعندك هموم نفسيّه وأسئله كتيره مالها أجوبه .. أفكارك أغلبها سلبيّه وماعم تعرف شوبدك حاول ماتوتر اعصابك ولاتحط الاحتمال السيء يعني اتوقع الافضل وخففّ تركيزك عالتفاصيل وعالكلام يعني بتتعب إنت وبتعّب يلي معك.. وهاد الشي مؤقت بيبلّش بكرا بعد الظهيره لكن بعد يومين في مستجدات لصالحك خاصه بالعاطفه وبعلاقاتك الاجتماعيه وبوضعك ككلّ ..ومزاجك لبكرا 55% #عاطفه أمورك العاطفيه افضل وهالشي بيخليك تنسى اي ظروف وهموم ..لأن في حدا بيفهمك ومابيخليك تضلّ زعلان.. ولو كنت اوقات فظّ بتعاملك معاه .. وافضل شريك لبكرا الحمل والقوس والدلو والأسد والجوزاء والميزان ..

#الحــوت ♓ 🍀
الظروف غالبها لصالحك وخاصّه هاليومين الجايين ابتداء من بعد ظهيرة الغدّ ومن تشكل زاوية التسديس بين المشتري وبلوتو يعني بتتجّه تعيش حياتك بكلّ حريّه ومتصالح مع حالك وبتميل تجدد بيوميّاتك.. صريح وصراحتك حلوه ونجمك محبوب من الكلّ ..ممكن تفكر بسفر أو تنجز واجبات متراكمه وبتحقق طموح غالي قدام الجميع ..لطافتك وروحك الحلوه بتزيدك ثقه وحظوظك جيّده بأمور العاطفه و العمل ..ومزاجك 85% #عاطفه لاتستعجل الامور ولاتحكم ع أي شخص من كلامه ومظهره ..عطارد بيحكم بيت عاطفتك لهيك انتظر هاليومين ولاتتسرع..وافضل شريك لبكرا الجدي والحمل والثور والعقرب والسرطان والعقرب والعذراء ..