حظك اليوم الاربعاء 5 سبتمبر 2018 مع عالمه الابراج ماغي فرح وتوقعات هامه ومثيره اليوم على الصعيد المهني والعاطفي

حظك اليوم 5 سبتمبر 2018 مع عالمه الابراج ماغي فرح

#مع_الأبراج
♈♉♊♋♌♍
♎♏♐♑♒♓

#القمر مستمرّ بكرا #ببــرج #الســرطــان المائـي : لنبقى تحت تأثير : ظلّ_قمر_الســرطان
مع قمر السرطان نصبح اكثر حساسيّه وشعور بالحاجه لتحقيق الامان .. حدس عالي والتكتم على أمورنا الشخصيه..الاهتمام يتجه للعائله.. ونكون اكثر صبر وتأنّي ..حاجه اقوى للعزله والوحده والإبتعاد عن المشاركه والإكتفاء بالمقربين .. الحذر من الأماكن الغريبه والغرباء.. وغير مناسب للأعمال التي تتطلّب تجمعات وجمهور ومشاركه ..
🍀👇

#القــمر بيكون بكرا بمنزلــة (الطـرفـه) عباره عن نجمين وتقع بوسط السرطان تستمر يوم وهي غير جيّده و فيها الضرر والمشاكل والتأخيرات يعني أنصح عدم البدء بالأمور المهمّه والقرارات المصيريّه .. والمولود بمنزلة الطرفه منحوس مكروه ليس محبب الحضور ذكر أو أنثى ..

🍀👇
#الزوايــا لبكرا اهمّها الزوايه 90° بين الزهره والقمر مناسبه لأمور العاطفه والزواج وكمان بتحمل فرص جيده بالمال والأعمال وبتفيد الابراج المائيه والترابيه ..
#زاويه 120° بين المشتري والقمر بتناسب التجاره والبيع وتداول المال وبتزيد مشاعر العطف والموده وبتساعد بالتعرف ع اشخاص ذوي نفوذ وتعتبر افضل السمات ..

🍀✍👇

#الأبراج لبكرا :::.

#الحـَـمل ♈ 🍀
بكرا بتحسّ ببعض الكسل وقلّة النشاط.. واجتماعيّاً بتكتفي بالأصدقاء الموثوقين ..عم تتردد بحسم أمورك ويمكن حسّاس لكلام النقد الموجّه إلك ومابتقبل حدا يفرض شي عليك.. بشكل عام الغدّ بيحمل بعض الهموم العائليه او مسأله تخصّ أحد الوالدين ..مافيك عم تتفق مع الكلّ ..الفتره مؤقته بيرجعلك الحظ بعد الغدّ .. ومزاجك لبكرا 60% #عاطفه الزهره واتصالاتها الجيده بتعطيك حظوظ بالناحيه العاطفيه وفرص جديه ..بس حاول تخفف حساسيتك وتطلباتك ..وافضل شريك لبكرا الدلو والميزان والجوزاء والحمل والأسد والسرطان والجدي والقوس ..

#الــثــور ♉🍀
بكرا بتعيش أجواء حلوه ومسليّه.. بتكون نشيط بتنقلاتك..بشكل عام في راحه نفسيّه وفضولك قوي لتتبع أخبار جديده ..عطارد بيحفّز تفكيرك وهو بتسديس تام مع الزهره ممكن تحقق حلم ببالك او بأمور متكتّم عليها.. وبيقدملك دعم مهمّ..وبكرا عندك اخبار جديده وكلها لصالحك وممكن مفاجئه مابتخطر ببالك .. ومزاجك 85% #عاطفه يوم لتحسّن أمورك العاطفيه وتكسر روتين ممكن تطلع مشوار مع الشريك او صديق وتتواصل اكثر ..وافضل شريك لبكرا الحوت والجدي والثور والعذراء والسرطان والعقرب والجوزاء ..

#الجــوزاء ♊ 🍀
بكرا ممكن تلاقي تحسن بوضعك المالي كون الزهره بتسديس تام مع كوكبك عطارد مايعني وضع جدا" مريح وحتى نفسياً بترتاح وبتعرف شوبدك بالمرحله القادمه ..كوكبك عطارد بحالة جيده مع الزوايا لهيك بتخفّ عندك الضغوط والأهم ّ راح تكون مرن ومتفائل و بعد بكرا الفرص افضل نوعا" لسه.. عادي تراجع نفسك وتبادر تصلّح علاقاتك.. ومزاجك لبكرا 60% #عاطفه عم تظهر القوه والغرور ولكنك ماعم تلاقي ارتياح بحياتك العاطفيه وخاصه الجوزاء اصحاب العشريه التانيه والتالته .. بس جاذبيتك عاليه ومحبوب.. وافضل شريك لبكرا الدلو والجوزاء والحمل والأسد والقوس والثور والميزان ..

#الســرطان ♋ 🍀
بكرا القمر بيستمرّ عندك وبيعطيك الحظ ومشاعر ايجابيه مع الجاذبيّه والجمال وهالوقت مناسب لتغيير بالمظهر او تقدر تجدد اكتر.. المهمّ لاتستعجل الامور واتوقع بكرا أخبار مفرحه بخصوص اي ناحيه بحياتك الشخصيّه .بس لازم تكون عمليّ اكتر وراقب كلامك مع رفاقك أو مرؤوسيك .. ومزاجك لبكرا 80% #عاطفه بتحب تكون مأمّن عحالك من الناحيه العاطفيه يعني ضامن شريك مثالي بس لازم تعرف تعطي اكتر من اهتمام ومشاعر لأن بطبعك مابتشوف عيوبك .. وافضل شريك لبكرا الحوت والجدي والعقرب والحمل والثور والعذراء والسرطان ..

#الأســد ♌ 🍀
بكرا بتحسّ بشويّة تعب صحي ونفسي وهموم كتيره وطبعا" بعد بكرا بتكون افضل مع انتقال القمر عندك ..حاول ماتكون طيّب زياده وكريم مع ناس مومستاهله .. ماعم تعرف تحكم مين عدوّك ومين صديقك.. ولايخلو الأمر من أعداء عم ينمّو عليك بظهرك..بس عندك حظوظ بالمبدأ بوجود الزهره لسه بالميزان وعطارد عم يتهيأ ينتقل من عندك ممكن تستفاد ماديّا" خلال الايام المقبله وتكسب علاقات جديده ..وبكرا مزاجك 65% #عاطفه الفتره القادمه راح تحملّك تغييرات ايجابيه بالوضع العاطفي بعد تسديس الشمس للزهره بتستقر اكتر بعلاقتك العاطفيه بس حاول تكون صبور ولاتفقد الأمل..وافضل شريك لبكرا الحمل والقوس والدلو والجوزاء والأسد والميزان والعقرب..

#العــذراء ♍ 🍀
بكرا بيحالفك الحظ بنواحي كتيره وخاصه بالعمل وع صعيد الدراسه والتعليم والسفر والمال والعلاقات..راح بتلاقي دعم من الأصدقاء أو من اشخاص نافذين اذا بدك ..وعندك مكاسب متعدده منها بنواحي المال و الصحّه ..عم بتكون محبوب وعندك اتباع مخلصين لإلك..وبالغد بتقدر تلبي دعوات وتجدد اكتر .. ومزاجك لبكرا 85% #عاطفه بالأيام المقبله بتحس بيحالفك حظّ عاطفيّ قوي وممكن تعمل خطوات مهمه وخاصه بتميل تجدد اكتر وتكسر الروتين ..و افضل شريك لبكرا الحوت والجدي والعقرب والسرطان والثور والعذراء ..

#الميــزان ♎ 🍀
يوم فيه تعب وهموم..حاول لاتكبر المسائل وبعد بكرا ارتياح وحلول لأمورك الصعبه..ومع هيك الزهره دائما" بتعطيك الحظوظ والفرص ..
لابأس تنتبه بالغدّ من ناس عم تحاول تعرقل أمورك ممكن تنزعج من نميمه أو يمكن تعصّب من كلام عم يكون حولك فيه تقليل من قيمتك والسبب لأنك ناجح ومحبوب ..ومزاجك لبكرا 60% #عاطفه الزهره تجاه زحل ماكان موقعها جيد بتحس في شي ماعم يكمل معك بالرغم من تواجد الفرص وبكرا ماتخلي عصبيتك تأثر ع علاقتك ..وافضل شريك لبكرا الدلو والحمل والأسد والقوس والميزان والجوزاء ..

#العقــرب ♏ 🍀
عم تكون قناعاتك ثابته وطاقتك الفكريّه عاليه..بكرا بتلاقي اسباب كتيره لتكون سعيد بتحسّ بدعم الحظ لإلك خاصه بالمال والأمور الشخصيّه.. وفيك تفكر بسفر او تهتمّ بالتعلّم وزيادة ثقافتك وكمان بتقدر بكرا تتجرأ وتطالب بحقوقك ..لوكان في تأجيل ببعض الامور يلي بتخصّ العمل الشخصيّ.. ومزاجك 85% #عاطفه دعم من الحظ وخاصه بأمور الحب واللي بيستفاد اكتر شي هم اصحاب العشريه الاولى و التالته بالتحديد.. وبكرا يوم ممكن يحققلك بداية حلم .. وافضل شريك لبكرا الجدي والأسد والثور والحوت والعقرب والعذراء والسرطان ..

#القــوس ♐ 🍀
بالغدّ بتكون شوي عصبيّ ومتوتر وع غير عاداتك بتميل للعزله والتفكير السلبي محيط فيك..احاسيسك فيها تناقض و حتى كلامك مع الآخرين.. وازن بأفكارك..والامور بعد بكرا افضل بكتير..حاول تعمل خطوات جديده افضل ماتراوح مكانك خاصه بالامور الاجتماعية ..وخليك محبّ للجميع ..ولاتنسى في دائما" ناس بتدعمك ومابتتخلى عنّك ..ومزاجك لبكرا 60% #عاطفه بكرا يمكن تلاقي تعقيدات بأمور متل التفاهم والتناغم بالعلاقه وماعم تتفق بوجهات نظرك مع الطرف التاني ..وافضل شريك لبكرا القوس والحمل والدلو والميزان والجوزاء والأسد ..

#الجــدي ♑ 🍀
بشكل عامّ عندك حضور وعم تكون دبلوماسيّ بالتعامل وبالغد ّبتحالفك حظوظ جيّده وخاصّه بأمور الشراكه والتعليم..بعض المزاجيّه أوقات بتقرر وبتتراجع ..مردود مالي بتتلقاه وحاول بس تخففّ شعورك السلبيّ ..أمورك بتكون افضل بعد يومين .. ومزاجك لبكرا 75% #عاطفه ماعم تقدر تعمل خطوات مهمّه وهالشي يمكن يخلّي العلاقه مليئه بالتأجيل والملل.. بس الحلول بتكون استثنائيّه خلال الايام المقبله .. وافضل شريك لبكرا العقرب والعذراء والسرطان والحوت والحمل والجدي والثور ..

#الدلــو ♒ 🍀
بكرا حاول تتحكّم بردّة فعلك ..انت عم تكون اكتر عدائيّه مع الناس حاول تضبط نفسك ولاتدقق عالنقد ..واتذكر انو عندك بعد الغدّ افضل..بس يوم بكرا انتبه ع الصحه ممكن تتوتر اعصابك وممكن تجبر حالك ع العمل وخاصه المرهق و الروتيني و يداركك الوقت وماتلحق ع شي ..ومزاجك بكرا 55% #عاطفه زاوية التسديس بين كوكبك اورانوس وبين القمر بتعمل تغيير سريع وايجابي بحياتك العاطفيه وارد يتغير وضع كان بالامس مربك او لقاء غير منتظر .. وافضل شريك لبكرا الحمل والجوزاء والميزان والأسد والقوس والدلو ..

#الحــوت ♓ 🍀
بشكل عامّ يوم بكرا بيحمل حظ ماديّ وكمان حلول بخصوص الوضع العائليّ بتهم اكتر بأمور التسليه والتسوّق وبتكون جذاب..بتحب سماع كلام الإطراء والمديح .. عنيد ومابتغيّر قناعتك ..فكّر بالتغيير والمغامره لاترواح مكانك ..الزوايا اغلبها لصالحك شوناطر ..لازم تنتبه لكلّ فرصه .. وبكرا مزاجك 80% #عاطفه لازم تسيطر ع اندفاعك ولاتتصرف بعفويه وطيب نيّه وراح تكتشف كتير حقائق مع حلول 9 ايلول وطالع و بيقلب كل الوضع لصالحك ..وافضل شريك لبكرا السرطان والجدي والعذراء والحوت والعقرب والثور ..

ـــــــــــــــــ🍀ــــــــــــــــ

#حــظّ وافــر بتمنّــاه للجميــع